Почему руководителя одного из хозяйств считают долгожительницей

Адрасат паслання ад Рэспубліканскага АПС – Таццяна Бялян. Днямі яна адсвяткавала дзень нараджэння. Прыгожая дата ў жыцці маладой жанчыны стала яшчэ і нагодай прыгадаць поспехі ў яе працы.

– Больш за дзесяць год яна ўзначальвае сельга­спрадпрыемства, якое за кароткі час дабілася істотных поспехаў. Сёння «Завідаўскае» – адно з самых устойлівых у фінансава-эканамічным плане сельгаспрадпрыемстваў у раёне, – адзначыў Мікалай Ермакоў.

У адрас Таццяны Бялян сказалі нямала цёплых слоў начальнік упраўлення сельскай гаспадаркі і харчавання райвыканкама Алег Архіпенка і прафсаюзны лідар аграрыяў раёна Сяргей Прыходзька. Яны адзначылі стабільна высокія паказчыкі дзейнасці сельгаспрадпры­емства, якое яна ўзначальвае, падзякавалі ёй і за дапамогу, што аказвае калегам-кіраўнікам.

– Адна з асноўных задач Аграпрамысловага Саюза – ума­цаванне інстытута настаўніцтва ў сельскагаспадарчай галіне. Не сакрэт, тут ёсць праблема ча­стай змены кадраў. Страчваецца пераемнасць, як вынік – па­даюць вытворчыя паказчыкі прадпрыемстваў. У аграрыяў ёсць свая мудрасць: поспех там, дзе вопыт. Такія, як Таццяна Віктараўна , хто адпрацаваў па дзесяць і больш год на па­садзе краўніка, ужо лічацца доўгажыхарамі. Іх у вобласці не больш за два дзясяткі. Дарэчы, кіраўнік «Завідаўскага» – вельмі актыўны настаўнік. Да таго ж, з’яўляецца старшынёй раённага Аграпрамысловага Саюза на Добрушчыне.